काठमाडौं । मंसिर ४ गते (आइतबार) सम्पन्न आम निर्वाचनमार्फत प्रतिनिधिसभा सदस्यतर्फ कुन पार्टीले कति ठाउँमा जिते या अग्रता हासिल गरे भन्ने बारे हामीले अपडेट दिइरहेका छाैँ । पछिल्लाे मतपरिणाम अनुसार मंगलबार बिहान ७:४५ बजेसम्मकाे ताजा अपडेट-
जीतः
नेपाली कांग्रेस : १
१. मुस्ताङ : योगेश गौचन थकाली
२. मनाङ : टेकबहादुर गुरुङ
३. काठमाडाैँ- १ : प्रकाशमान सिंह
नेकपा (एमाले)
१. ललितपुर – २ प्रेमलाल महर्जन
—————-
अग्रताः
नेपाली कांग्रेस : ४७
नेकपा (एमाले) : ४९
नेकपा (माओवादी केन्द्र) : १२
राष्ट्रिय स्वतन्त्र पार्टी : ११
नेकपा (एस) : ६
राप्रपा : ६
नाउपा : ४
जसपा : ३
हाम्रो नेपाली पार्टी : १
लोसपा : २
राष्ट्रिय जनमोर्चा : १
अन्य : ७
प्रतिनिधिसभा सदस्य गोरखा क्षेत्र नम्बर २ मा नेपाल कम्युनिष्ट पार्टी (माओवादी केन्द्र) का अध्यक्ष एवं पूर्वप्रधानमन्त्री पुष्पकमल दाहाल ‘प्रचण्ड’ले फराकिलो अग्रता कायम गर्दैै लैजानुभएको छ ।
पछिल्लो मतपरिणाम अनुसारसम्म करिब छ हजार मतपत्र गणना गर्दा उहाँले तीन हजार सात सय ८५ मत प्राप्त गर्नुभएको छ । अध्यक्ष दाहाललाई राष्ट्रिय स्वतन्त्र पार्टीका कबिन्द्र बुर्लाकोटीले नौ सय ३५ मतका साथ पछ्याई रहनुभएको छ । त्यस्तै नेकपा (एमाले)का अब्दुस सलाम मियाँले अहिलेसम्म आठ सय ६४ मत प्राप्त गर्नुभएको छ ।
क्षेत्र नम्बर २ प्रतिनिधिसभा तर्फ समानुपातिक तर्फको मतगणना पनि भइरहेको छ । अहिलेसम्म समानुपातिकतर्फ माओवादी केन्द्रले एक हजार सात सय ९४ नेपाली कांग्रेस एक हजार ६३, नेकपा (एमाले)ले दुई सय ९० मत र राष्ट्रिय स्वतन्त्र पार्टीले दुई सय ७४ मत प्राप्त गरेको सहायक निर्वाचन अधिकृत शिव रेग्मीले जानकारी दिनुभयो ।
त्यस्तै गरी, प्रदेशसभातर्फ समानुपातिमा २ (१) मा माओवादी केन्द्रले एक हजार चार सय ७८ मत र एमालेले सात सय ७८ मत प्राप्त गरेको छ ।
प्रकाशित मिति २०७९ मङ्सिर ६ गते मङ्गलबार ०८:३५
