टोपबहादुरलाई प्रहरीले नभेटे हामी आँफै ल्याइदिन्छौँ : पद्मा अर्याल (भिडियो)

काठमाडौं । नेकपा एमालेकी सचिव पद्मा अर्यालले वर्तमान सरकारले भ्रष्ट्राचार प्रकरणमा पक्षपातपूर्ण व्यवहार गरेको टिप्पणी गरेकी छन् ।

न्यूज २४ सँगको कुराकानीमा उनले उही प्रकारको प्रकरणमा अन्य भ्रष्ट्राचारको प्रकरणमा अन्य व्यक्तति प्रति सरकार नरम भएको तर एमाले एमाले सम्बद्ध व्यक्तिलाई भने नाम जोडिने वित्तिकै पक्राउ पूर्जी जारी गरिएको भन्दै असन्तुष्टि जनाएकी छन् ।

‘त्यही लभलका व्यक्तिका विषयमा कुरा उठ्दा ती मान्छेहरुलाई पक्राउ पूर्जी नकाट्ने । ती मान्छेलाई अनुशन्धानको दायरामा ल्याउन नपर्ने । अमुख पार्टीका व्यक्तिलाई मात्रै पूर्जी काट्नु पर्ने अनुशन्धान गर्नुपर्ने ?,’ उनले भनिन्, ‘यो राज्यको पक्षपातपूर्ण व्यवहार भयो । हाम्रो टिप्पणी यही हो।’

उनले एमाले कुनै पक्षधरताविनै अनुसन्धनमा सघाउन पार्टी भएको पनि उनले दाबी गरेकी छन् । प्रहरीले नसके आफूहरुले नै समाउनुपर्नेहरुलाई समात्ने पनि बताइन् ।

‘कुनै पक्षधरता होइन, को कस्लाई समाउनु पर्ने हो हामी नै समाति दिन्छौँ को–कस्लाई समाउनु पर्ने हो, पुलिसले सकेन भने हामी समातेर ल्याइदिन्छौँ,’ उनले भनिन्, ‘नत्र पुलिस त लागेकै छ ।

ल्याउला को कस्लाई ल्याउनु पर्ने हो । कसैको नाम जोडिने वित्तिकै झ्याप झ्याप्ती समाति हाल्नुपर्ने । कसैको नाम आउने वित्तिकै कागज मिलाई दिनु पर्यो भन्ने भोलि यो कुरा लुक्छन् र ?’

एमाले सचिव टोपबहादुर नक्कली शरणार्थी प्रकरणमा अनुसन्धानका लागि तानिएका छन् । उनलाई प्रहरीले पक्राउ पूर्जी जारी गरेर खोजी गरिरहेको छ । रायमाझी बैशाख २० गतेदेखि नै सम्पर्कविहीन छन् ।

(भिडियो)