काठमाडौं ।
प्रदेश- १ आर्थिक मामिला तथा योजना मन्त्री इन्द्रबहादुर आङ्बो ‘मौसम’ले नागरिकता विद्येयकलाई फिर्ता गरेर राष्ट्रपति विद्यादेवी भण्डारीले ठूलो गल्ती गरेको टिप्पणी गरेका छन् ।
नेकपा माओवादी केन्द्रका नेतासमेत रहेका आङ्बोले सामाजिक संजालमा स्टाटस लेख्दै देशका लाखौं नागरिकलाई नागरिकताविहीन र राज्यविहीन बनाउने एमालेको कदमलाई राष्ट्रपतिले साथ दिएकोसमेत आरोप लगाएका हुन् ।
मन्त्री आङ्बोले फिर्ता भएको विद्येयक अब पुन: संसदले जस्ताको त्यस्तै राष्ट्रपति कहाँ पठाएर प्रमाणीकरण गर्न बाध्य बनाउनु पर्ने उनको भनाइ छ ।
प्रतिनिधिसभा र राष्ट्रियसभाबाट पारित भएको नागरिक विद्येयक रोकेको भन्दै सत्ता पक्षले राष्ट्रपतिको विरोध जनाइरहेका छन् ।
उनीहरुले नेकपा (एमाले) सरकार रहँदा उस्तै प्रकारको अध्यादेश जारी गर्दा छिनभरमै प्रमाणित गरेको र अहिलेको विद्येयक भने फिर्ता गर्नु राष्ट्रपतिको गैरजिम्मेवारीपन भएको टिप्पणी गरिरहेका छन् । उता नेकपा एमालेले भने राष्ट्रपतिको कदमलाई स्वागत गरेको छ ।
Source-news24nepal
प्रकाशित मिति २०७९ साउन ३० गते सोमबार ०८:५३
